पोखरा/नेकपा एकीकृत समाजवादी पार्टीका अध्यक्ष माधवकुमार नेपालले आफूलाई देखेर केपी ओलीको सात्तो गएको बताएका छन् । गण्डकी प्रदेशस्तरीय बृहत् प्रशिक्षण भेलालाई सम्बोधन गर्ने क्रममा उनले ओलीको सात्तो गएको आरोप लगाएका हुन् ।
‘अहिले म फेरि संसद जानुछ । म नगयो भने फेरि अर्को हल्ला सुरु हुन्छ-माधव नेपाल भाग्यो भनेर,’ नेपालले भने, ‘म नगएकोबेला ओली अघि बढ्ला ! आजभोलि मेरो उपस्थितिले संसदमा केपीको सात्तो गएको छ ।’
नेता नेपालले नेकपा एमाले अहिले संसद आउन डराएको र आए पनि संसदीय मान्यताविपरीत नाराबाजी गर्दै संसद अवरुद्ध गरिरहेको बताए । ‘केपी शर्मा ओलीको कम्पनी आजभोलि संसद आउन डराएको छ । आए पनि नारा लगाएर जान्छन् । यो संसदीय मर्यादा हो ?’ उनले भने ।
भेलालाई अध्यक्ष नेपालसहित वरिष्ठ नेता झलनाथ खनाल, महासचिव बेदुराम भुषाल, उपाध्यक्ष प्रमेश हमाल लगायतले प्रशिक्षण दिनेछन् ।
