बेनी / पछिल्लो समय टीकटकजस्ता सामाजिक संजालमा भाइरल बनिरहेको म्याग्दीको रत्नेचौर गाउँमा पर्यटकहरुको चहलपहल धेरै भएपछि आजदेखि प्रवेश निषेध गरिएको छ ।
कोभिड–१९ को महामारी वृद्धि हुँदै गएकोले यहाँको तोरीबारीमा धेरै भीडभाड बढेको हुँदा जिल्ला प्रशासन कार्यालय म्याग्दीले प्रवेशमा रोक लगाएको हो ।
तोरीबारी धेरै भीडभाड बढेपछि जिल्ला प्रहरी कार्यालय बेनीबाट टोली परिचालन गरिएको छ भने आइतबार बिहानदेखि नै घुम्न आउने पर्यटकलाई प्रहरीले फर्काउन थालेको छ ।
