बागलुङ/ गलकोट नगरपालिकाले नगर भित्र लैंगिक हिंसा न्यूनीकरणको लागि सचेतना कार्यक्रम आयोजना गरेको छ । ‘घरबाट सुरु गरौं, महिला हिंसा अन्त्य गरौं’ भन्ने नाराका साथ गलकोट ७ मल्ममा मंगलबार सचेतना कार्यक्रम आयोजना गरिएको हो ।
सचेतना कार्यक्रममा गलकोट नगरपालिका वडा नं ७ स्थित महिला समूहका झण्डै ६० जनाको सहभागिता रहेको महिला जागरण केन्द्र मल्मका अध्यक्ष ललिता थापाले बताइन् । कार्यक्रममा बोल्दै गलकोट नगरपालिकाका नगर उपप्रमुख रेणुका काउचा मगरले लैंगिक हिंसा न्यूनीकरण गर्न हाम्रो सोच र व्यवहारमा सकरात्मक परिवर्तन गर्नुपर्ने बताइन् । नगरपालिकाका प्रमुख प्रशासकीय अधिकृत हरिप्रसाद शर्मा, गलकोट नगर कार्यपालिका सदस्य शिव कुमारी खत्री, गलकोट नगरपालिका वडा नं ७ का कार्य बहाक वडा अध्यक्ष लोक बहादुर थापा, वडा सदस्य मिना दर्जीले शुभकामना मन्तव्य राखेका थिए ।
