पोखरा/असोजको अन्तिम साता गण्डकी प्रदेशमा हुने नवौं राष्ट्रिय खेलकुद प्रतियोगिताका लागि ६० करोडको बजेट स्वीकृत भएको छ ।
राष्ट्रिय खेलकुद परिषदका सदस्य सचिव टंकलाल घिसिङले नवौं राष्ट्रिय खेलकुदका लागि ६० करोडको बजेट अर्थमन्त्रालयबाट स्वीकृत भएको जानकारी दिएका छन् ।
नवौं राष्ट्रिय खेलकुद मुल आयोजक कमिटी बैठकको उद्घाटनमा बोल्दै सदस्य सचिव घिसिङले माग गरे वापतको बजेट स्वीकृत भएको बताए ।
‘नवौं राष्ट्रिय खेलकुद प्रतियोगिताका लागि ६० करोडको बजेट अर्थमन्त्रालयबाट स्वीकृत भएको छ,’ उनले भने । सदस्य सचिव घिसिङका अनुसार प्रतियोगिताको मिति सरेपनि बजेटको आकार भने घटेको छैन् ।
असोज २८ देखि कात्तिक ३ गतेसम्म आयोजना हुँदैछ । यस अघि जेठ २२ देखि २८ सम्म हुने भनिएपनि विविध कारण देखाउँदै प्रतियोगिता स्थगित भएको थियो ।
