पोखरा/त्रिभुवन विश्वविद्यालयको विरोध गर्दै विद्यार्थीहरुले गण्डकी प्रदेश सभा अघि नाराबाजी गरेका छन् ।
विविए छैटौं सेमेस्टरको संगठनात्म व्यवहार विषयको परीक्षामा त्रुटि भएको कारण परीक्षा रद्ध भएको र असार २५ गते संचालन भएको नेपाली समाज र राजनीति विषयको परीक्षामा समेत सोहि गल्ती दोहोरिएको भन्दै उनीहरुले विरोध गरेका हुन् ।
उनीहरुका अनुसार आन्तरिक परीक्षाकै हुबहु प्रश्नपत्र आएको थियो । त्रि.विको गम्भिर लापरवाहिका कारण विद्यार्थीको मिहेनत खेर गएको उनीहरुको गुनासो छ ।
गण्डकी प्रदेश सभामा बैठक चलिरहँदा उनीहरुले विरोध गरेका हुन् । उनीहरुले त्रि.वि र शिक्षा मन्त्रीको राजीनामाको माग गर्दै नाराबाजी गरेका हुन् ।
