पोखरा/ कास्कीको माछापुच्छ्रे गाउँपालिका ८ तारेबराह आधारभूत विद्यालय लुम्रेमा मतपेटिका फुटाउने नेकपा बहुमतका ३ कार्यकतालाई प्रहरीले पक्राउ गरेको छ ।
विहान १० बजेर ४५ मिनेटको समयमा मतदान गर्ने जाने हिसाबले मतदान केन्द्रमा पुगि मत हाल्ने क्रममा नेकपा बहुमतका ३२ वर्षिय सूर्य परियारले मतपेटिका फुटाएका हुन् ।
उनी माछापुच्छे्र गाउँपालिका ९ का हुन् । उनले प्रतिनिधि सभा प्रत्यक्ष तर्फको भोट मटपेटिकामा खसाली उक्त मतपेटिका उचाले भुईमा बजारेको जिल्ला प्रहरी कार्यालय कास्कीमा प्रवक्ता एवम् डिएसपी सुन्दर तिवारीले जानकारी दिए ।
उनका अनुसार अन्य दुई कार्यकता समेत पक्राउ परेका हुन् पक्रा पर्नेमा नेकपा बहुमतका निशान कुमार पुन र हरिबहादुर विष्ट रहेका छन् ।
मत पेटिका फुटाउपश्चात अवरुद्ध भएको मतदान ११ बजेर १० मिनेटबाट पुनः सुचारु भएको प्रवक्ता तिवारीले जानकारी दिए ।
उता नेकपा बहुमतले भने पक्राउ परेका ३ जनालाई तत्काल रिहा गर्न माग गरेको छ । नेकपा बहुमत कास्कीका संयोजक बद्री अधिकारी र इन्चार्ज गोकुल पराजुलीले विज्ञप्ति जारी गर्दै ससम्मान रिहा गर्न माग गरेका हुन् ।
मतपेटिका फुटाउने सूर्य जिल्ला कार्यसमितिका कोषाध्यक्ष समेत हुन् ।
