पोखरा/काठमाण्डौंको ठमेलमा डान्सबार क्लब छिराइदिने र यौनजन्य कार्यका लागि केटी मिलाइदिने भन्दै सर्वसाधारणलाई दुःख दिने ६ जना युवालाई प्रहरीले पक्राउ गरेको छ ।
शुक्रबार साझँको समयमा सर्वसाधरणलाई दुःख हैरानि दिने गरेको भन्ने पोप्य सूचनाको आधारमा प्रहरीले ६ जनालाई प्रक्राउ गरेको हो ।
पक्राउ पर्नेमा धादिङ निलकण्ठ नगरपालिका २ घर भई काठमाण्डौ किर्तिपुर बस्दै आएका ४२ वर्षिय नारायण कार्की, नुवाकोट शिवपुरी गाउँपालिका ८ घर भई हाल काठमाडौं कपन बस्ने २२ वर्षिय विशेष थापा,
नुवाकोट पन्चकन्या गाउँपालिका ४ घर भई काठमाडौं फुटुङ नागपोखरी बस्ने ३१ वर्षिय दिपेश तामाङ,ललितपुर गोदावरी ६ शान्तिपथका २२ वर्षिय कृष्ण तामाङ, सिन्धुली दुधौली नगरपालिका १० घर भई ठमेल वस्दै आएका २८ वर्षिय अर्जुन कटुवाल र बैतडी पुरचौडी नगरपालिका ७ घर भई काठमाडौं क्षेत्रपाटी बस्दै आएका २५ वर्षिय यज्ञराज जोशीलाई पक्राउ गरेको प्रवक्ता सूचना अधिकारी कृष्ण प्रसाद कोइरालाले जानकारी दिए ।
