जनकपुरधाम / जनकपुरधाम विमानस्थलबाट काठमाडौं उड्न लागेको बुद्ध एयरको विमानमा मुसा भेटिएको छ ।
४९ जना यात्रु बोकेर आज बिहान काठमाडौं उड्न लागेकै वेला बुद्ध एयरको विमानमा मुसा भेटिएको हो । विमानमा मुसा भेटिएपछि उडान रद्ध गरिएको छ ।
विमानमा यात्रुले मुसा देखेपछि विमान होल्ड गरिएको बुद्ध एयरका कर्मचारी सन्दीप लामाले जानकारी दिए ।
उनका अनुसार प्राविधिक जाँचका लागि केही बेर विमान होल्ड गरिएको छ । अब परीक्षणपछि मात्रै सो विमानबाट उडान हुनेछ । विमान होल्डपछि यात्रुहरु अलपत्र परेका छन् ।
