पोखरा/ जिल्ला प्रहरी कार्यालय कास्कीले लागू औषध दुरुपयोग तथा ओसार पसार विरुद्ध अन्तराष्ट्रिय दिवस मनाएको छ ।
लागू औषध विरुद्धको एक्यबद्धता व्यक्ति समाज र राष्ट्रको प्रतिबद्धता भन्ने मुल नाराका साथ प्रभातफेरीको आयोजना गर्दै उक्त दिवस मनाएको छ ।
प्रभातफेरी पोखराको पृथ्वीचोकदेखी सभागृहचोकसम्म गरिएको थियो । जिल्ला प्रहरी कार्यालय कास्कीको आयोजनामा भएको कार्यक्रममा प्रमुख जिल्ला अधिकारी वासुदेव घिमिरे, विभिन्न आमा समूह, संघ संस्था, विद्यालय, सशस्त्र प्रहरी बल, सामुदायिक सेवा केन्द्र तथा सरोकारवाला निकायहरुको सहभागिता रहेको थियो ।
