पोखरा/ समावेशी बचत तथा ऋण सहकारी संस्था लिमिटेडको १६औं साधारण सभा तथा छैटौं अधिवेशनबाट अध्यक्षमा पुनः सीता गुरुङ निर्विरोध निर्वाचित भएकी छन् ।
पोखरा महानगरपालिका वडा नं १ बागबजारमा रहेको संस्थाको बिहीबार सम्पन्न भएको अधिवेशनले उपाध्यक्षमा रञ्जनकुमार बुद्धाचार्य, सचिवमा जीवन अधिकारी, कोषाध्यक्षमा सीता अधिकारीलाई निर्विरोध चयन गरेको छ ।
यस्तै सदस्यहरुमा कल्पना थापा, ईन्दु भट्टराई, विजया गुरुङ, ज्ञानु शाक्य, पारसकुमार गुरुङ, पुरुषोत्तम श्रेष्ठ र रामप्रसाद श्रेष्ठ चयन भएका छन् ।
निर्वाचन मण्डलमा संयोजक ध्रुवसिंह खड्का, सदस्य भीम कुमारी गुरुङ र सन्जय श्रेष्ठ रहेका थिए । संयोजक खड्काका अनुसार लेखा समितिको संयोजकमा रामप्रसाद अधिकारीलाई चयन गरिएको छ । सदस्यमा पदम कुमारी गुरुङ र लक्ष्मी शर्मा रहेका छन् ।
