पोखरा / मित्रमिलन सहकारी ठगी मुद्दामा पत्रकार अर्जुन गिरी पुर्पक्षका लागि कारागार चलान भएका छन् । ताण्डव न्यूज डटकमका प्रधान सम्पादक गिरीलाई जिल्ला अदालत कास्कीले बिहीबार पुर्पक्षका लागि कारागार चलान गर्न आदेश दिएको हो ।
न्यायाधीश रामचन्द्र शर्माको इजलासले गिरीलाई पुर्पक्षका लागि कारागार चलान गर्न आदेश दिएको हो । पक्राउ पुर्जी जारी भएपछि फरार गिरी बुधबार अदालत उपस्थित भएका थिए । बुधबार नसकिएको थुनछेक बहस बिहीबार पुन भएको थियो ।
सहकारी ठगी मुद्दामा कास्की अदालतबाट ३३ जनाविरुद्ध पक्राउ पुर्जी जारी गरिएको थियो । सोही मुद्धामा २२ जना अझै फरार छन् ।
