पोखरा / गण्डकी प्रदेशका विना विभागीय मन्त्रीलाई शनिवारदेखि मन्त्रालयको जिम्मा दिइएको छ । माओवादी केन्द्रका हरिबहादुर चुमानलाई आर्थिक मामिला र राजीव गुरुङ (दीपक मनाङे) लाई भौतिक पूर्वाधार तथा यातायात व्यवस्था मन्त्रालयको जिम्मा दिइएको हो ।
शनिवार बसेको मन्त्रीपरिपद्को बैठकले उनीहरुलाई मन्त्रालयको जिम्मा तोकिएको हो । गत चैत २५ मा संविधानको धारा १६८ को उपधारा २ बमोजिम एमाले नेता खगराज अधिकारी नियुक्त भएसंगै उनले चुमान र गुरुङलाई विना विभागिय मन्त्री बनाएका थिए । गुरुङ प्रदेशसभा गठनको झन्डै साढे ६ वर्षको अवधिमा ५ पटक मन्त्री भएर रेकर्ड राख्न सफल भएका छन् ।
अधिकारीलाई मुख्यमन्त्रीमा नियुक्ती असंवैधानिक रहेको भन्दै कांग्रेस संसदीय दलका नेता एवं निवर्तमान मुख्यमन्त्री सुरेन्द्रराज पाण्डेले सर्बोच्च अदालतमा रिट दायर गरेका छन । चैत २८ मा सर्बोच्चले अधिकारी सरकार कामचलाउ रहेको आदेश गरेको छ भने यही बैशाख १० गतेलाई पेशी तोकेको छ ।
