पोखरा/ ह्वाट्सएप तथा टेलिग्रामद्वारा विभिन्न व्यक्तिलाई सम्पर्क गरी आफु प्रहरी भएको र केही काम छ भने गरिदिन्छू भन्दै सर्वसाधारणसंग रकम मागेको आरोपमा पोखरा–१६ बाटुलेचौरका २१ वर्षीय सुजीत क्षेत्री पक्राउ परेका छन ।
“म जिल्ला प्रहरी कार्यालय कास्कीको सूचना अधिकारी हुँ, तपाईहरुको केही काम छ भने भन्नुहोस गरिदिन्छु” भन्ने र सर्वसाधरण संग रकम माग गरेको भन्ने सूचनाको आधारमा जिल्ला प्रहरी कार्यालय कास्कीबाट खटिएको प्रहरी टोलीले मिति आइतबार उनलाई लामाचौरबाट पक्राउ गरिएको कास्की प्रहरीका सूचना अधिकारी डिएसपी बसन्तकुमार शर्माले बताए । क्षेत्रीबिरुद्ध सार्वजनिक हित, स्वास्थ्य, सुरक्षा, सुविधा र नैतिकता बिरुद्धको कसूरमा ५ दिन म्याद थप गरी अनुसन्धान प्रकृया अगाडी बढाईएको प्रहरीले जनाएको छ ।
