बागलुङ / दरमखोलामा माछा मार्न गएका ४२ बर्षिया रमेश परियारलाई शुक्रवार विहान दरमखोलाले वगाएको छ । गलकोट नगरपालिका वडा नं. १० घर भई हाल गलकोट नगरपालिका वडा नं. ६ मा बस्ने ४२ वर्षीय रमेश परियारलाई दरमखोलामा माछा मार्ने क्रममा शुक्रवार विहान बगाएको हो ।
माछा मार्ने क्रममा परियारलाई बिहान ७ः३० बजेको समयमा खोलाले बगाएको इलाका प्रहरी कार्यालय हरीचौरले जनाएको छ । परियारसँगै माछा मार्न गएका उनका २४ वर्षीय भाई मनोज परियारले दाजुलाई दरमखोलाले बगाएको प्रहरीमा खबर गरेका थिए । प्रहरी र स्थानीयको सहयोगमा परियारको खोजी कार्य भइरहेको इलाका प्रहरी कार्यालय हरिचौरले जनाएको छ ।
