बागलुङ/जिल्ला प्रहरी कार्यालय बागलुङले पशुपंक्षी सम्बन्धि कसूर मुद्दामा फरार प्रतिवादीलाई पक्राउ गरेको छ । पशुपंक्षी सम्बन्धि कसूर मुद्दामा जिल्ला अदालत बागलुङले २०८० बैशाख ७ गते फैसला सुनाउँदै ढोरपाटन नगरपालिका वडा नं. ९ का मनबहादुर विकलाई २ वर्ष ८ महिना कैद सजाय सुनाएको थियो ।
फैसलालगत्तै फरार रहेका विकलाई बुधबार ढोरपाटन नगरपालिका वडा नं. १ स्थित बुर्तिवाङ बजारबाट पक्राउ गरिएको हो । पक्राउ परेका विकलाई अदालतलको आदेश कार्यान्वयनका लागि कारागार पठाईएको जिल्ला प्रहरी कार्यालय बागलुङका प्रहरी निरीक्षक केशव थापाले जानकारी दिए ।
