पोखरा/ अविरल वर्षाका कारण आएको बाढी र पहिरोमा परेर देशभर ३५ जनाको मृत्यु भएको छ । ११ जना बेपत्ता भएका छन ।
बाढीपहिरो र घर भत्किदाँ काठमाडौं उपत्यकामा २३ जनाले ज्यान गुमाएका छन ।
विभिन्न जिल्लामा थप १२ जनाको मृत्यु भएको र ११ बेपत्ता भएको सशस्त्र प्रहरी बलका सहप्रवक्ता शैलेन्द्र थापाले जानकारी दिएका छन । मृतकमा काठमाडौं र ललितपुरमा ९/९, भक्तपुरमा ५, पाँचथर र धनकुटामा २/२ काभ्रेमा ६, झापा र धादिङमा १/१ जना छन । देशभर एक सय ६२ स्थानमा भौतिक क्षति भएको छ । सशस्त्रक प्रहरीको उद्धार टोलीले सात सय ६० जनाको सकुशल उद्धार गरेको थापाले बताए ।
