फाईल तस्बीर ।
पोखरा/काठमाडौंबाट पोखरा आइरहेको माइक्रोबस छहरे–टोखा सडक खण्डअन्तर्गत नुवाकोटको शिवपुरी गाँउपालिका–७ मा आज दुर्घटनाग्रस्त हुँदा १२ यात्रु घाइते भएका छन । घाइतेमध्ये २ जनाको अवस्था गम्भिर रहेको प्रहरीले जनाएको छ ।
नुवाकोट प्रहरीका अनुसार ग १ ख ४५३५ नम्बरको हायस बस दिउँसो एक बजेको समयमा अदुवाबारीमोडमा अनियन्त्रित भई अन्दाजी ५० मिटर तल खसेको थियो । बसमा १८ जना सवार थिए । बस धादिङको विभिन्न स्थानमा गएको पहिरोका कारण काठमाडौँको टोखाबाट नुवाकोट हुँदै धादिङको गल्छी निस्केर पोखरा जाने क्रममा नुवाकोटमा दुर्घटनामा परेको हो । दुर्घटनास्थलमा ठूलोभीर भएपनि मौवाको रुखमा गाडी अड्किएकाले ठूलो क्षति हुनबाट जोगिएको हो । घाइते सबैलाई उपचारका लागि काठमाडौं लगिएको छ ।
