पोखरा/ तनहुँको व्यास नगरपालिका–१२ कमलबारीमा ग्याँस बुलेट दुर्घटना हुँदा चालकको मृत्यु भएको छ । पृथ्वी राजमार्गबाट मुग्लिन हुँदै दमौलीतर्फ आउने क्रममा भारतीय नम्बर एचआर ५५ क्यू ४७११ नम्बरको ट्यांकर घुमाउरो सडकमा शनिवार साँझ ६ बजेर ४० मिनेटको समयमा दुर्घटनाग्रस्त भएको थियो ।
टर्निङ कुना साइडमा पल्टिएर भएको दुर्घटनामा भारत बिहारको मिर्जापुर पठाही जिल्लाका ३६ वर्षीय चालक श्रीकान्त कुमार गम्भीर घाइते भएका थिए । उनलाई उपचारका लागि प्रदेश अस्पताल दमौली पठाइएकोमा साढे ८ बजेर २० मिनेटकाे समयमा चिकित्सकहरुले मृत घोषित गरेको जिल्ला प्रहरी कार्यालय तनहुँका डीएसपी अशोक थापाले बताए । शव अस्पतालमै राखिएको छ ।
उक्त बुलेटले शक्ति ग्याँस कम्पनीको ग्याँस बोकेको थियो ।
