बागलुङ/शाक्य कल्याण समाज बागलुङको बधाई तथा शुभकामना कार्यक्रम सम्पन्न भएको छ । समाजका अध्यक्ष राजनकुमार शाक्य, बागलुङ उद्योग बाणिज्य संघको अध्यक्षमा निर्वाचित भएपछि समाजले सम्मान र बधाइ कार्यक्रम गरेको हो ।
सोमबार बिहान भएको कार्यक्रममा समाजका प्रधानसंरक्षक कृष्णलाल शाक्यले सम्मान गरेका थिए । साथै उनले उद्योगी, व्यवसायीको छाता संगठनको रुपमा उद्योग बाणिज्य संघले आम व्यवसायीको हितमा काम गर्नुपर्ने बताए । साथै सबैलाई समान रुपमा हेर्ने, स्थानीय तहसँग सहकार्य गर्ने लगायतको सुझाव दिइएको थियो ।
समाजका उपाध्यक्ष बाबुलाल शाक्यको अध्यक्षता र सचिव निरज शाक्यको संचालनमा भएको कार्यक्रममा सल्लाहकार मुकुन्द शाक्यले पनि शुभकामना मन्तव्य राखेका थिए । गत शनिवार भएको अधिवेसनबाट राजनकुमार शाक्य बागलुङ उद्योग बाणिज्य संघको अध्यक्षमा निर्वाचित भएका थिए ।
उनले ६ सय ४४ मत ल्याउँदा उनका निकटतम प्रतिद्वन्द्वी उमाकान्त शर्मा ‘बाबु’ले ५ सय १९ मत ल्याएका थिए । शाक्य यसअघि संघको वरिष्ठ उपाध्यक्ष थिए ।
