तस्बिर राजु क्षेत्री
पोखरा/ पोखरा–२२ पुम्दीभुम्दीको पुम्दीकोट पुगेर पोखरातर्फ फर्किदै गरेको अधिकांश भारतीय नागरिक चढेको नगरबस शान्ति स्तुपको पार्किङ माथिको घुम्तीमा दुर्घटना हुँदा २२ यात्रु घाइते भएका छन । घाइते मध्ये ४ जनाको अवस्था गम्भिर, थप चार जनाको मध्ययम र अन्यका अवस्था सामान्य रहेको कास्की प्रहरीका सूचना अधिकारी एवं डिएसपी हरिबहादुर बस्नेतले बताएका छन् ।
पुम्दीकोटको शिव मन्दिरबाट फर्किने क्रममा पौने २ बजेको समयमा ग१ख ३८८६ नम्बरको बस घुम्तिमा पल्टिएको प्रहरीले जनाएको छ । घाइतेको द्धार गरी अस्पतालमा उपचारका लागि पठाइसकिएको छ । घाइतेको पहिचान नखुलिसकेको प्रहरीको भनाई छ । स्थानीयबासी राजु क्षेत्रीका अनुसार सडक पीच भएपछि उक्त घुम्तीमा हालसम्म दर्जन बढी दुर्घटना भइसकेका छन् ।
