पोखरा/ कास्कीको सिनुवा केन्द्रबिन्दू भएर मंगलबार दिउँसो ४.७ म्याग्निच्यूडको भूकम्प गएको छ । भूकम्पको पोखरालगायत आसपासका क्षेत्रमा धक्का महशुष गरिएको थियो ।
राष्ट्रिय भूकम्प मापन केन्द्रका अनुसार अपराह्न १ बजेर ५९ मिनेट जाँदा सिनुवा क्षेत्रमा केन्द्रविन्दु भएर भूकम्प गएको हो । सिनुवा पर्यटकीय आकर्षणको केन्द्र अन्नपूर्ण बेसक्याम्प जाने बाटोमा पर्छ । भूकम्पले पारेको असरबारे अहिलेसम्म कुनै जानकारी नआएको कास्की प्रहरी प्रमुख एसपी श्यामबाबु ओलियाले बताएका छन् ।
