बागलुङ/लागूऔषध मुद्दाका फरार प्रतिवादीलाई प्रहरीले तेह्र वर्षपछि पक्राउ गर्न सफल भएको छ ।
बागलुङ जिल्ला अदालतबाट लागूऔषध (गाँजा,चरेश) मुद्दामा २०६८ जेठ २ गते पाँच वर्ष कैद र सात हजार रुपियाँ जरिवाना तोकिएपछि फरार गलकोट नगरपालिका वडा नं. ३ हटिया बस्ने ३९ वर्षिय आकाश किसानलाई प्रहरीले तेह्र वर्षपछि पक्राउ गरेको हो ।
पक्राउ पर्नुभएका किसानलाई जिल्ला अदालतको आदेश कार्यावन्यनका लागि जिल्ला कारागार पठाईएको जिल्ला प्रहरी कार्यालय बागलुङका प्रहरी नायव उपरिक्षक बसन्त पाण्डेले जानकारी दिए । मुद्दा फैसलापछि फरार किसानलाई जिल्ला प्रहरी कार्यालयबाट खटिएको टोलीले हटियाबाट पक्राउ गरेको हो ।
