पोखरा / आफूलाई सामाजिक अभियन्ता बताउदै आएकी शर्मिला वाइबालाई कास्की प्रहरीले मंगलबार पक्राउ गरेको छ । उनलाई पोखराको लेकसाइडबाट पक्राउ गरिएको कास्की प्रहरी प्रमुख एसपी श्यामबाबु ओलियाले बताए ।
प्रहरीले उनलाई साइबर क्राइम मुद्दामा पक्राउ गरेको हो । उनकै सहकर्मी शर्मिला श्रेष्ठले दिएको उजुरीको आधारमा उनलाई पक्राउ गरिएको हो । उनीमाथि काठमाडौं प्रहरीमा मुद्दा दर्ता भएको थियो । उनलाई मंगलबार नै काठमाडौं पठाइने ओलियाले जानकारी दिए ।
