पोखरा/पोखरा महानगरपालिकाका विभिन्न क्षेत्रहरूमा नियमित वृक्षारोपणका कार्यहरू भइरहेका छन् । ‘ग्रिन पोखरा : क्लिन पोखरा’ अभियानअन्तर्गत पोखरा-२५ मा पर्ने भूपी शेरचन राजमार्ग छेउमा वृक्षरोपण गरिएको छ । राजमार्गको वरपर ११ सय वटा कल्की, धूपी, बेगमवलीलगायतका विरुवा रोपिएको वडा नम्बर २५ का अध्यक्ष मोती तिमिल्सिनाले जानकारी दिए ।
२ लाख २६ हजार बिरुवा लगाउने उद्देश्य सहित महानगरका विभिन्न क्षेत्रहरूमा भिन्नभिन्न प्रकृतिका बिरुवाहरू लगाउने कार्य अभियान कै रूपमा चलिरहेको छ । यसरी लगाइएका बिरुवाहरूको संरक्षण र गोडमेलमा समेत नियमित काम भइरहेको तिमिल्सिनाको भनाइ छ ।
