पोखरा / कास्की जिल्ला कारागारबाट भागेका एक जना कैदीबन्दीलाई स्थानीयले समातेर प्रहरीलाई बुझाएका छन् । बुधवार बागलुङ बसपार्कनजिकैबाट स्थानीयले एक कैदीबन्दीलाई समातेर प्रहरीलाई बुझाएका हुन् ।
स्थानीयले ती कैदीबन्दीलाई कुटपिटसमेत गरेका छन् । हात बाँधेर स्थानीयले कैदीबन्दीलाई नियन्त्रणमा लिएका थिए । प्रहरीका अनुसार उनी घाइते अवस्थामा थिए । अहिले उनको उपचार भइरहेको छ ।

पोखरामै एक जना बालकलाई गोली लागेको छ । बुधबार पोखराको वडा नम्बर ४ मा करिब १४ वर्षीय एक बालकलाई गोली लागेको प्रहरीले जनाएको छ । उनलाई असाबधानीका कारण गोली लागेको प्रहरी स्रोतले बतायो ।