पोखरा, १३ जेठ – पोखरा– ८ सिमलचौरमा रहेको पिसजोन एकेडेमीमा मल्टिमिडिया प्रोजेक्टरबाट पठनपाठन सुरु भएको छ । शैक्षिक वर्ष २०७६ मा माध्यमिक तहमा कक्षागत रुपमै मल्टिमिडिया प्रोजेक्टरको व्यवस्था गरेर पठनपाठनलाई सहज बनाइएको छ । प्रोजेक्टरको सहायताले कक्षागत र विषयगत रूपमा अन्य कक्षाका विद्यार्थीहरूलाई पनि क्रमशः पठनपाठन गराइने विद्यालयका संस्थापक तथा प्रमुख व्यवस्थापक योगेन्द्र शर्मा दाहालले जानकारी दिए । शैक्षिक वर्ष २०७५ बाटै कक्षा ८, ९ र १० मा मल्टिमिडिया प्रोजेक्टरद्वारा शिक्षण सिकाई प्रारम्भ गरिएकामा यस शैक्षिकवर्षदेखि पर्याप्त शैक्षिक सामग्री तयार पारेर विषयगत रूपमा श्रव्यदृश्य सामग्रीको सहायताबाट पठनपाठनलाई अघि बढाइएको शर्माले जानकारी दिए ।
