नवलपुर , १० असार – नवलपुरको कावासोती नगरपालिकाका उपमेयर चढ्ने लु १ झ ३२१ नम्बरको सरकारी गाडीमा आगजनी भएको छ । गएराति साढे १ बजे मर्दनियाको आफ्नै निवास कावासोती १५ अमलटारिमा पार्किंङ गरी राखेको गाडिमा आगजनी भएको हो । उक्त गाडी नगर उपप्रमुख प्रेम शंकर मर्दनियाले चढ्ने गरेका थिए ।
गाडीमा पेट्रोल छर्केर आगजनी भएको तर तत्कालै आगो नियन्त्रणमा लिन सकिएकाले ठूलो क्षति हुनबाट जोगिएको छ । उपप्रमुख मर्दनियाका अनुसार मोटरसाइकलमा आएका २ जनाले आगजनी गरेर फरार भएका हुन् ।
