पोखरा,१२ फागुन – फेवातालमा डुंगा पल्टिदा एक जना बेपत्ता भएका छन् । प्रहरीका अनुसार काठमाडौंबाट घुम्न आएको टोलीले चलाएको डुंगा पल्टिदा एक जना बेपत्ता भएका हुन् ।प्रहरीकाअनुसार डुंगामा सवार ४ जनामध्ये ३ जनालाई नेपाली सेनाको रेस्क्यु टोलीले उद्दार गरि सकेको छ । काठमाण्डौ महनागरपालिका १० कपन बस्ने २७ वर्षीयसुमित भन्ने राम शरण लुईटेल हालसम्म पनि वेपत्ता रहेको प्रहरीले जनाएको छ । काठमाण्डौ महनागरपालिका १० कपनका सुविन चालिसे सोही ठाउका रुपेश अधिकारीको शकुसल उद्दार गरिएको र हालसम्म पनि वेपत्ता रहेका लुईटेल प्रहरीद्वारा खोजिकार्य भईरहेको प्रहरीले जनाएको छ । दिउँसो करिब १ बजेर ३० मिनेट जाँदा डुंगा पल्टिएको थियो ।प्रहरीकाअनुसार प्राइभेट डु्ंगा लिएर गएका उनीहरु डुंगामा पानी भरिएपछि पल्टिएको जिल्ला प्रहरी कार्यालयका प्रवक्ता तथा डिएसपी राजकुमार केसीले जानकारी दिए । फेवातालको सिरान खपौदीबाट उनीहरु डुंगा लिएर निस्केका थिए ।
