बागलुङ, २७ चैत – कोरोना भाइरस संक्रमण रोकथाम, नियन्त्रण र उपचारका लागि प्रभु बैंकका प्रमुख कार्यकारी अधिकृत अशोक शेरचनले बागलुङवासी ठूलो मात्रामा स्वास्थ्य सामग्री सहयोग गरेका छन् । शेरचनले बागलुङलाई पिपिई, स्यानीटाइजर, मास्क, ग्लोब्स, डिसइन्फेक्सन लिक्विड, भिटामिन सि ट्याब्लेट लगायतका स्वास्थ्य सामग्री उपलब्ध गराएका हुन् ।
बैंकका सिइओ शेरचनले बागलुङ नगरपालिकाका स्वास्थ्य सहसंयोजक डिल्ली आचार्य र फोकल पर्सन दिनेश जिसीलाई जिल्लाका सवै स्थानीय सरकार र स्वास्थ्य संस्थामा वितरण गर्ने गरी ती स्वास्थ्य सामग्री विहिवार काठमाडौंमा उपलब्ध गराएका हुन् ।
जिल्लावासीको सुखदुःखमा सहभागी हुन चाहेको वताउदै शेरचनले ती स्वास्थ्य सामग्री बागलुङ नगरपालिका मार्फत जिल्लाभर नै पुग्नेगरी उपलब्ध गराएको जिसीले वताए । उनले केही थान थर्मगन पनि छिट्टै नगरपालिकालाई उपलब्ध गराउने विश्वास दिलाएका छन् । बागलुङ नगरपालिकाका वाहेकका अन्य पालिका र स्वास्थ्य संस्थामा ती सामग्री स्थानीय ब्यवसायी कुमार खड्का मार्फत वितरण गरिने जिसीले वताए । 
