पोखरा, २१ असार– गण्डकी प्रदेशमा कोरोना संक्रमितको संख्या १०९१ पुगेको छ । प्रदेश क्षयरोग केन्द्र, पोखरा गरिएको परीक्षणमा गण्डकी प्रदेशमा थप ३ जनामा संक्रमण देखिएको गण्डकी स्वास्थ्य निर्देशनालयले आइतबार जनाएको छ ।
निर्देशनालयका अनुसार, तनहुँको व्यास नगरपालिकाका ६ वर्षीय बालकमा संक्रमण देखिएको छ भने तनहुँकै शुक्लागण्डकीका २४ वर्षीय युवा एवं बागलुङको काठेखोला गाउँपालिकाका २८ वर्षीय युवामा पनि संक्रमण देखिएको छ । उनीहरुलाई सम्बन्धित जिल्लाहरुमा रहेका आईसोलेसन कक्षमा लगिने निर्देशनालयले जनाएको छ ।
