बागलुङ, १३ साउन– बागलुङमा सोमबार राती बाढी र पहिरोमा परी ४ जनाको मृत्यु भएको छ । जिल्लाको तमानखोला गाउँपालिका–२ का पान बहादुर बिकको घरमाथीबाट आएको पहिरोले घर पुरीँदा उनका १३ बर्षिया छोरा खिम बहादुर बिक र १२ बर्षिया छोरी रिता बिकको मृत्यु भएको हो । मृतकहरुकी आमा होम कुमारी बिक गम्भिर घाईते भएकि छन् । त्यस्तै निसीखोला गाउँपालिका–१ का कमल परियारको घर पहिरोले पुरेको छ । पहिरोमा परि उनका अन्दाजी ५ बर्षिया छोरा समिर परियारको मृत्यु भएको प्रहरी नायव उपरीक्षक राजेन्द्र रेग्मीले बताए । निसीखोला गाउँपालिकामानै अन्दाजी ६० बर्षिया एक महिलाको शव खोलाको छेउमा फेला परेको छ । उनको पहिचान नखुलेको रेग्मीले जानकारी दिए ।