पोखरा, २५ भदौ– पोखराको खानेपानी कार्यालयमा कार्यरत एक कर्मचारी घुस सहित पक्राउ परेका छन् । खानेपानी संस्थान विन्ध्यवासिनी इकाई कार्यालयमा कार्यरत कृष्णहरि वाग्लेलाई अख्यिारले २५ हजार घुस सहित रंगेहात पक्राउ गरेको हो ।
अख्तियार दुरुपयोग अनुसन्धान आयोगको कार्यालय पोखराले उनलाई बगर ट्याक्सीचोकस्थित १ रेष्टुरेन्टबाट नियन्त्रणमा लिएको जनाएको छ । वाग्ले करारका कर्मचारी हुन् । खानेपानी उपभोग गरेबापत खानेपानी शुल्क तिर्न जाँदा उपभोक्तासँग विभिन्न बहानामा वाग्लेले घुस मागेका थिए । सोही उजुरीको आधारमा उनलाई रंगेहात नियन्त्रणमा लिएको आयोग पोखरा कार्यालयका प्रबक्ता तारानाथ अधिकारीले बताए ।
