नवलपुर, १० वैशाख– नवलपुरको विनयी त्रिवेणी गाउँपालिका वडा नं.४ अन्तर्गतको पहाडी गाउँ सर्दीमा अस्थायी प्रहरी चौकी स्थापना भएको छ । बिनयी त्रिबेणीको वडा नं. ४ पुरै र ३ र ४ का आशिंक गाउँ कार्यक्षेत्र रहने गरि सर्दीमा चौकी स्थापना भएको हो । दुम्किबासमा रहेको ईलाका प्रहरी कार्यालयको तत्कालै पहुँच नपुग्ने गरेको गुनासोपछि गाउँपालिकाले अस्थायी प्रहरी चौकी रहने घरको भाडा बेहोर्ने र जिल्ला प्रहरी कार्यालय नवलपुरबाट पठाईएको प्रहरी जनशक्ति सहित चौकी स्थापना गरिएको एसपी प्रकाश मल्लले बताए । प्रहरी सहायक निरिक्षक (असई)को कमाण्डमा हवल्दार तथा प्रहरी जवान ८ जनालाई चौकीमा खटाईएको समेत एसपी मल्लले जानकारी दिए ।
