बागलुङ, २४ जेठ– नेकपा एमाले गण्डकी प्रदेश कमिटी सदस्य तथा जैमिनी नगरपालिकाका उप–प्रमुख लिला रानासहितको टोलीले जैमिनी नगरपालिकाका दशवटै वडामा रहेका कोरोना संक्रमितलाई भेट्ने अभियान थालेका छन् ।
संक्रमितको घर घरमै पुगेर साबुन र मास्क वितरण गर्दै उनीहरुले संक्रमितलाई आत्मबल बढाउन आग्रह गरेका छन् । ‘हरेक संक्रमितलाई एक थान साबुन र मास्क दिएका छौं, यो उनीहरुको आत्माबल बढोस् भन्ने हो’ रानाले भने ‘नियमित साबुन पानीले हात धुन र मास्कको प्रयोग गर्न भनेका छौं ।’
एकान्तबासमा बसेका संक्रमितलाई हौसला दिनको लागि आँफुहरुले अभियान थालेको युवा व्यवसायी बद्री ढुंगानाले बताए । समुहमा जैमिनी नगर सभासदस्य केशवराज शर्मा पनि सहभागि छन् ।
