मुख्यमन्त्री पृथ्वीसुब्बा गुरुङ
पोखरा, २९ जेठ – वैकल्पिक सरकार गठनका लागि प्रदेश प्रमुख सिता कुमारी पौडेलले दिएको समय अवधिभित्रै नेकपा एमालेका संसदीय दलका नेता तथा वहालवाला मुख्यमन्त्री पृथ्वी सुब्बा गुरुङले पनि आफ्नो दावी पेश गरेका छन् ।
जनता समाजवादी पार्टीको र जनमोर्चाबाट पदमुक्त सांसद कृष्ण थापाको समर्थन पत्रसहित उनले दावी गरेका हुन् । जसपा संसदीय दल र जनमोर्चाले भने मुख्यमन्त्रीमा विपक्षी गठवन्धनका कृष्णचन्द्र नेपाली पोखरेललाई समर्थन गरेको छ ।
गुरुङले पनि मुख्यमन्त्री दावी गरेपछि विपक्षी गठवन्धनका ३१ जना सांसद नै सशरिर आज पनि प्रदेश प्रमुखसमक्ष उपस्थित हुने तयारी गरेको नेपालीले वताए ।
प्रदेश प्रमुखले दुवै दावी अस्विकृत गरेमा गण्डकी प्रदेश पनि मध्यावधी निर्वाचनमा जानेछ ।
