बागलुङ – अपांग सरोकार संघ बागलुङको नवौं वार्षिक साधारणसभाले चिजा थापाको नेतृत्वमा नयाँ कार्यसमिति चयन गरेको छ ।
शनिवार भएको साधारणसभाले उपाध्यक्षमा होमनाथ शर्मा र सचिवमा टिकाराम सापकोटालाई चयन गरेको छ । सहसचिवमा टेकनाथ आचार्य, कोषाध्यक्ष धर्मराज आचार्य तथा सदस्य नारायण श्रीष, भिमदेवी बिक, बुद्धिमाया घर्ती र कुमार पुन रहेका छन् ।
कार्यक्रममा सहभागिले अपांगता भएका व्यक्तिहरुको अधिकार अझै सुनिश्चित नभएको बताए । अपांगता भएकालाई सहजै अधिकार दिने तथा राजनीतिक, सामाजिक र रोजगारीमा समानुपातिक कोटा दिनुपर्ने तथा सबैसँग प्रतिष्पर्धा गर्न सक्ने क्षमता बनाउन पनि पहल गर्नुपर्ने बताए ।
