बागलुङ/ नेकपा एमाले निसीखोला गाउँपालिका–६ बागलुङले निर्वाचन केन्द्रित अभियान सुरु गरेको छ । शनिवार बसेको बैठकले पार्टीका सबै कार्यक्रमलाई निर्वाचन केन्द्रित गर्ने निर्णय गरेको हो । वैठकमा बाल्दै नेकपा एमाले गण्डकी प्रदेश कमिटि सदस्य टंक प्रसाद पौडेलले नेकपा एमालेको नीति र नेतृत्व मुलुकको आर्थिक विकास र सामाजिक रुपान्तरणको मुख्य सारथी भएको दावी गरे ।
कार्यक्रममा जिल्ला सचिवालय सदस्य रुद्र पौडेल, जिल्ला सदस्य लिला बुढा, गाउँ कमिटि अध्यक्ष भूमिराज घर्ति, गाउँ कमिटि सदस्य सन्तोष विक लगायतले बोलेका थिए ।
वैठकले आगामी फागुन २१ गतेभित्र वडाका सबै टोलहरुमा टोल कमिटि गठन गर्ने र सबै कमिटिहरुलाई निर्वाचन केन्द्रीत अभियानमा सक्रियता पूर्वक लाग्न निर्देशन दिने निर्णय गरेको पालिका अध्यक्ष भूमिराज घर्तिले दिए ।
वडा कमिटि अध्यक्ष कुमबहादुर बुढाको अध्यक्षता भएको वैठकको सञ्चालन नरविर विक र स्वागत दिपेश घर्तिले गरेका थिए ।
