पोखरा/गठबन्धनबाट पोखरा महानगरपालिकाको उपमेयर पदमा उम्मेदवारी दिनुभएकी कोपिला रानाभाटले समाजसेवा र राजनीतिको अनुभव महानगरको विकासमा खर्चिने बताइन् ।
पोखरा ३१ को चुनावी प्रचारप्रसारमा बोल्दै जीवनको महत्वपूर्ण समय राजनीतिलाई दिएको र सोहि अनुभव महानगरको विकासमा खर्चिने बताएकी हुन् ।
उनले आफ्नै क्षेत्र रहेकाले मत माग्नुपर्ने आवस्यकता नरहेपनि विकासका योजनाहरु लिएर आएको उल्लेख गरिन् । पोखरामा आन्तरिक पर्यटक आउने भनिरहँदा फेवातालको मात्र नाम आउने तर वेगनास ताल ओझेलमा पर्ने गरेको भनाई उनको थियो ।
पर्यटकीय दृष्टिकोणले लेखनाथ पनि पर्यटकीय हबको रुपमा रहेपनि अहिलेसम्म हरेक योजना फेवाताल केन्द्रित हुँदा विकासका कार्यक्रममा बेगनासमा नआएको उनले बताइन् ।
उनले अब पाँच वर्ष पोखरालाई दिँदै गर्दा लेखनाथमा पर्यटकीय योजनाहरु समेतका बारेमा अगाडि बढ्ने प्रतिबद्धता व्यक्त गरिन् ।
वेगनासताल, रुपाताल सहित लेखनाथ भित्र रहेको सम्पुर्ण तालको संरक्षण गर्ने देखि विकासका कार्य तथा सडक स्तरोन्नतिका काम गठबन्धन सरकारले नै पुरा गर्ने उनले बताइन् ।
वडा ३१ को विकासमा भएको ढिलासुस्तिको बारेमा अब प्रश्न गर्न आवश्यक रहेको र त्यो अब गठबन्धनले पुरा गर्ने हुँदा मतदान गर्न आग्रह गरिन् ।
