पोखरा/पोखरा महानगरपालिकामा नेकपा एमालेको नतिजा उल्टिएको छ । २०७४ सालमा एमालेले २२ वडा जित्दा कांग्रेसले ११ वडा जितेको थियो ।
तर, अहिले नतिजा उल्टिएको छ । २५ वडाको नतिजा सार्वजानिक हुँदासम्म कांग्रेसले १८ वडा जित्दा एमाले ७ वटा मात्रै वडामा जित हासिल गरेको छ ।
पोखरा महानगरपालिकाको वडामा गठबन्धन भएका वडामा कांग्रेसले जित हासिल गरिरहँदा अघिल्लो निर्वाचनमा जितेका बाहेक अन्य वडामा गठबन्धन नगरेका वडामा भने पराजय भोग्न परेको छ ।
जस्को प्रत्यक्ष उदाहरण वडा १ र वडा ५ हो । गठबन्धन नगरेकै कारण कांग्रेस ४० मतले वडा १ मा हार व्यहोर्नुपरेको थियो । गठबन्धन नहुँदा वडा ५ मा ९ सय ९७ मतले हार व्यहोर्न बाध्य भयो ।
गठबन्धनकै कारण एमालेको गढ मानिएको वडा १६ मा भने कांग्रेसले वडा अध्यक्ष जितेको छ ।
कांग्रेसले वडा २,३,४,७,९,१०,११,१२,१३,१४,१६,२३,२४,२५,२६,२७,२८,३० मा जित हासिल गरेको हो । एमालेले वडा १,५,६,८,१५,२० र २९ मा एमालेले जित हासिल गरेको छ ।
कांग्रेसले अघिल्लो निर्वाचनमा जितेको वडा ६ मात्रै यस पटक गुमायो भने अन्य वडामा जित हासिल गरेको छ । एमालेले १६ वडा गुमाइ सकेको छ ।
अहिले वडा १७,१८,१९,२१,२२,३१,३२,३३ को मत गणना कार्य चलिरहेको । जसमध्ये एमालेले ३ वडामा मात्रै अग्रता लिइरहेको छ । एमालेले १७, २१ र २२ अग्रता कायम गरिरहेको छ भने अन्य वडामा कांग्रेसको अग्रता रहेको छ ।
