पोखरा / गण्डकी प्रदेशका मुख्यमन्त्री खगराज अधिकारीले विश्वासको मत पाएका छन् । प्रदेश सभाका ३१ सांसदले उनलाई विश्वासको मत दिएका छन् । मुख्यमन्त्री अधिकारीको पक्षमा ३१ मत परेको छ । विपक्षमा २७ मत परेको छ । १ संसद अनुपस्थित भएका छन् ।
मुख्यमन्त्री अधिकारीले विश्वासको मतका लागि शुक्रबार संसद्मा प्रस्ताव पेश गरेका थिए । उनको प्रस्तावमा छलफल सकेपछि मतदान भएको थियो । मतदानमा ५८ सांसद सहभागी थिए ।
एमालेबाट जेष्ठ सदस्य मित्रलाल वस्याल सभाअध्यक्षको भूमिकामा थिए भने सांसद दिपक मनाङे अनुपस्थित थिए । एमालेका अधिकारीलाई माओवादी र राष्ट्रिय प्रजातन्त्र पार्टीले समर्थन गरेका छन् ।
