म्याग्दी/ म्याग्दीको अन्नपूर्ण गाउँपालिकाले आगामी आर्थिक वर्ष २०८०÷०८१ का लागि साढे ५३ करोडको बजेट सार्वजनिक गरेको छ । गाउँपालिकाको केन्द्र पोखरेबगरमा शुक्रबार शुरु भएको सत्रौ गाउँसभामा उपाध्यक्ष दिवा तिलिजा पुनले ५३ करोड ५४ लाख ४३ हजार ६ सय रुपैयाँको बजेट सार्वजनिक गरिन् । चालुतर्फ ३५ करोड ५१ लाख ५९ हजार ६ सय रुपैयाँ र पुजिगततर्फ १८ करोड दुई लाख ८४ हजार रुपैयाँ बजेट बिनियोजन भएको छ ।
एक करोड ४७ लाख १० हजार रुपैयाँ आन्तरिक आम्दानीहुने प्रक्षेपण गरेको अन्नपूर्णले चालु आर्थिक वर्षमा खर्च हुन नसक्ने अनुमान गरिएको छ करोड २५ लाख ६ हजार अल्या बजेटलाई पनि बजेटको स्रोत मानेको छ ।
