पोखरा/ एक वर्षपछि पोखराका प्रमु्ख प्रशासकीय अधिकृत वीरेन्द्रदेव भारतीको सरुवा भएको छ । उनको सट्टा पोखरामा अब कर्णालीको आर्थिक मामिला तथा योजना मन्त्रालयमा सचिवको जिम्मेवारी सम्हालेका श्यामकृष्ण थापा आउने भएका छन् ।
भारती गएको साउनमा प्रमुख प्रशासकीय अधिकृतको रुपमा पोखरा आएका थिए । पोखरा रहँदा उनले करारमा रहेका कर्मचारीहरुलाई बिदा गर्ने र लोकसेवामार्फत् नयाँ कर्मचारी भर्ना गर्ने तयारी गरे पनि त्यो पूरा गर्न सकेनन् ।
लामो समय पालिकाको प्रशासकीय अधिकृतको रुपमा बिताएका भारती विवादमा पनि खासै परेनन् । भारतीले अब ललितपुरको कमाण्ड सम्हाल्ने छन् ।
