देउखुरीको राप्ती गाउँपालिकास्थित आदर्श नमुना माध्यमिक विद्यालयको प्रांगणमा आकम्मिक अवतरण गरेको हेलिकोप्टर ।
दाङ / मौसम खराबीका कारण दाङमा हेलिकोप्टरको आकस्मिक अवतरण भएको छ । हुम्लाबाट पोखरा जाँदै गरेको कैलाश हेलिकोप्टर सर्भिस कम्पनीको हेलिकोप्टर आज बेलुका सवा सात बजे राप्ती गाउँपालिकास्थित आदर्श नमुना माध्यमिक विद्यालयको प्रांगण लालमटियामा आकस्मिक अवतरण गरेको इलाका प्रहरी कार्यालय भालुबाङले जनाएको छ ।
पाइलटसहित पाँचजना सवार रहेको इलाका प्रहरी कार्यालय भालुवाङ प्रहरी निरीक्षक उज्ज्वल सिंहले जानकारी दिए । उनका अनुसार हुम्लाबाट बुकिङमा पोखरा जान लागेका यात्रुहरुलाई लैजाने क्रममा मौसम खराबीका कारण दाङमा अवतरण गरेको हो । प्रहरी निरीक्षक सिंहका अनुसार बिहीबार बिहान मात्रै हेलिकोप्टर पोखराका लागि उड्ने छ ।
