बागलुङ / एशियाको लामो झोलुङ्गे पुल (गोल्डेन व्रिज) बाट खसेर बागलुङका २२ बर्षिया युवाको मृत्यु भएको छ । बागलुङको बाङ्गेचौर र पर्वतको पाङ जोड्ने गरि कालीगण्डकी नदिमाथि निर्माण भएको झोलुङ्गे पुलबाट खस्दा बागलुङ नगरपालिका–४ रातमाटाका २२ वर्षीय शेरबहादुर थापाका मृत्यु भएको हो ।
जिल्ला प्रहरीका अनुसार बुधबार साँझ पोने ६ बजे थापा पुलबाट एक्कासी कालीगण्डकी नदि किनारमा खस्दा उनको घटनास्थलमै मृत्यु भएको हो । जिल्ला प्रहरी कार्यालय बागलुङका प्रहरी निरीक्षक दिपकबाबु केसीले पुलबाट खसेर थापाको मृत्यु भएको जानकारी दिनुए । थापा पुलबाट १३८ मिटर तल काली नदीमा खसेका हुन् ।
खबर पाए लगत्तै जिल्ला प्रहरी कार्यालयबाट प्रहरी टोली कालीगण्डकी किनारमा पुग्दा थापाको मृत्यु भर्इ सकेको प्रहरी निरीक्षक केसीले बताए ।
