बागलुङ/ बालमैत्री नगर अभियान चलाएको बागलुङ नगरपालिका–१ मा अभियान सफलताका लागि बाल अधिकार संजाल र बाल क्लब समूह संजाल गठन गरिएको छ । बिहिबार आयोजित कार्यक्रममा उक्त समितिहरुको घोषणा गरियो ।
सरोकारवालाले बालमैत्री नगरको अभियान सफल पार्न हस्ताक्षरसमेत गरेका छन् । कार्यक्रममा नगर प्रमुख बसन्तकुमार श्रेष्ठले बालमैत्री नगर बनाउने आफ्नो पहिलो निर्णय भएकोले सबैले साथ दिन पनि आग्रह गरे । उनले बालमैत्री नगर बनाउँदा राष्ट्रिय स्तरमै नगरको गरिमा उचो हुने समेत बताए ।
कार्यक्रममा नगर उपप्रमुख राजु खड्का, प्रमुख प्रशासकीय अधिकृत हरिदत्त कंडेल, नगर शिक्षा अधिकारी धनप्रसाद पोखरेल लगायतले बोलेका थिए । वडा अध्यक्ष जयबहादुर खत्रीको अध्यक्षता, शिक्षा अधिकृत गौरव रानामगरको संचालन र वडा सदस्य शान्तिदेवी शर्माको स्वागतमा सम्पन्न कार्यक्रममा सयौं बालबालिका र अभिभावक पनि सहभागि थिए ।
उक्त अबसरमा समीर रोका अध्यक्ष रहेको वडा बाल संजाल गठन गरिएको छ । समितिको उपाध्यक्षमा जविक सुवेदी, सचिवमा पुजा सापकोटा र कोषाध्यक्षमा रचना डेगा रहेका छन् ।
त्यस्तै, वडा अध्यक्ष जयबहादुर केसीको अध्यक्षतामा वडा बाल समन्वय समिति गठन भएको छ । समितिको सदस्यहरुमा सोमबहादुर बोहरा, कृष्णबहादुर कार्की, शान्ति शर्मा, रितादेवी बोहरा, अनिता राजभण्डारी, तेजेन्द्र आचार्य, कृष्ण बहादुर केसी, शम्भु आचार्य, कविराज क्षत्री, इन्दिरा शर्मा, धना बोहरा, सुस्मा गौतम, समिर रोका र पुजा सापकोटा रहेका छ्न् ।
यी दुवै समितिले वडामा समन्वय गरेर बालमैत्री नगरका लागि आवस्यक पूर्वाधार तथा अन्य सूचकका लागि खोजी गर्नेछन् । साथै, समयमा बालमैत्री नगर घोषणाका लागि सहजीकरण पनि गरिने बालमैत्री सहजकर्ता सरिता गौतमले जानकारी दिइन् ।
