बागलुङ/ जिल्लाको निसीखोला गाउँपालिकाले आगामी माघ २ र ३ गते सार्वजनिक बिदा दिने निर्णय गरेको छ । माघे संक्रान्तिको अवसरमा गाउँपालिकाले २ दिन स्थानीय बिदा दिने भएको हो ।
गाउँ कार्यपालिकाको बैठकको निर्णय भन्दै निमित्त प्रमुख प्रशासकीय अधिकृत दिलिप कुमार चन्दले दुई दिन सार्वजनिक बिदा गरिएको सूचना जारी गरेका छन् । उक्त दुई दिन निसीखोला गाउँपालिकामा रहेका सरकारी तथा सार्वजनिक संस्थाहरुका लागि सार्वजनिक बिदा दिने निर्णय भएको सूचनामा उल्लेख छ ।
माघेशक्रान्ति पर्वकै निरन्तरता भन्दै दिइएको सार्वजनिक बिदाको विषयमा सामाजिक सञ्जालमा आलोचना भैरहेको छ । माघ १ गते देशभरनै सार्वजनिक बिदा हुने भएपछि गाउँपालिकाले २ र ३ गते स्थानीय बिदा राखेको हो ।
