बागलुङ/ पहिरोका कारण राष्ट्रिय गौरवको आयोजना कालिण्डकी करिडोरको बागलुङ गुल्मी खण्ड अबरुद्ध भएको छ । आईतबार राती गुल्मीको कालिगण्डकी गाउँपालिका २ अर्बेनी र हर्मिचौरको बिचमा पर्ने गरगरेमा पहिरो खसेपछि सडक अबरुद्ध भएको हो ।
गरगरेको भीरबाट भीषण पहिरो खसेकाले तत्काल पहिरो पन्छाउन कठिन रहेको करिडोर कलोपत्रेको काम गरिरहेको कालिका कन्ट्रक्सनका इञ्जिनियर छकबहादुर गुरुङले बताए । सडक अबरुद्ध हुँदा बागलुङबाट भैरहवा, बुटवल लगायतका सहरका लागि छुटेका सवारी साधन अलपत्र परेका छन् । लामो खडेरी पछि आईतबार साँझ परेको भीषण बर्षा पछि पहिरो खसेको उनले बताए । ठुला ठुला चट्टान पहिरोको बीचमा अडिएकाले पहिरो पन्छाउन जोखिम रहेको उनले बताए ।
