बागलुङ/घाँस काट्ने क्रममा लडेर बागलुङको वडिगाडमा एक वृद्वको मृत्यु भएको छ । काउरोको रुखमा चढी घाँस काट्ने क्रममा लडेर बागलुङको वडिगाड गाउँपालिका वडा नं. १० का ७० वर्षिय वृद्व दलबहादुर गुरुङको मृत्यु भएको हो । घरदेखि पश्चिमतर्फको आफ्नै खरबारीमा घाँस काट्ने क्रममा लडेर गंभीर भएका गुरुङको प्राथमिक स्वास्थ्य केन्द्र बुर्तिवाङमा उपचारको क्रममा मृत्यु भएको जिल्ला प्रहरी कार्यालय बागलुङले जनाएको छ ।
