पोखरा/ कास्की जिल्ला अदालतले पोखरास्थित सूर्यदर्शन सहकारी ठगी प्रकरणमा आरोपित सबैसंग धरौटी माग गरेको छ । जिल्ला न्यायाधीश नीतिज राइको इजलासले विहीबार सबै आरोपितलाई धरौटीमा छाड्न आदेश दिएको हो ।
राष्ट्रिय स्वतन्त्र पार्टी (रास्वपा) सभापति रवि लामिछानेसँग ६५ लाख, पूर्वडिआइजी छविलाल जोशीसँग ८८ लाख, रामबहादुर खनालसँग १५ लाख, लिला पछाईसँग ३७ लाख, आरती गुरुङ र मीना गुरुङसँग ५ ५ लाख र कृष्ण बहादुर गुरुङसँग एक लाख रुपैंया धरौटी माग भएको अदालतले जनाएको छ ।
