पोखरा/पोखरा महानगरपालिका वडा नं. ९ दरबारथोक मार्गस्थित श्रीचण्डीमाई सेवा समितिको बहुउद्देश्यीय भवन उद्घाटन गरिएको छ । भवनको पोखरा महानगरपालिकाका प्रमुख धनराज आचार्यले उद्घाटन गरे । सो क्रममा भवन परिसरमा पुननिर्माण गरिएको चण्डीमाइको मन्दिरकोसमेत उद्घाटन गरिएको छ ।
कार्यक्रममा पोखरा महानगरपालिका वडा नं. ९ का वडा अध्यक्ष दीपेन्द्र मर्सानीलगायत जनप्रतिनिधिहरू, चण्डीमाई आमा समूह, टोल विकास संस्था, छिमेकी टोल विकास संस्था र आमा समूहका प्रतिनिधिहरू लगायत स्थानीयहरूको उपस्थिति रहेको थियो ।
